O PSOE reclama ao Concello que repare as cubertas do pabillón de deportes para evitar as filtracións de auga.
Afirma que
pista e vestiarios quedaron anegados tralas últimas
choivas, poñendo en perigo aos nenos que utilizan a
infraestructura.
O portavoz
do grupo municipal do PSdeG-PSOE de Cerdido, Cándido
Prieto, alertou hoxe dos perigos que para os usuarios
e, en especial para os alumnos do colexio público,
entraña a utilización das instalacións do pabillón
municipal de deportes ubicado na Barqueira a raíz dos
buracos nas cubertas e da súa precaria
impermeabilización. Explicou que as choivas caídas
nas últimas semanas puxeron de relieve máis se cabe
as deficiencias da infraestructura, denunciadas dende
a súa construcción polos socialistas de Cerdido.
Resultado: pista e vestiarios anegados e formación de
bolsas de auga en distintos puntos das instalacións.
Cándido Prieto subliñou que nenos do CEIP de A
Barqueira, que empregan o pabillón durante todo o
curso para facer ximnasia, sufriron máis dunha caída
nos últimos días como consecuencia desta situación
que, de momento e por sorte, non deixou máis que
avisos. Para os socialistas de Cerdido, as
filtracións de auga son achacables á auténtica
chapuza que se fixo ao construir estas instalacións
sobre unha ladeira e, a maiores, cunha
impermeabilización a todas luces insuficiente. Neste
punto, lembran que na fase de construcción xa se
produciron problemas ao caer un muro de contención.
Por todo isto, o PSdeG-PSOE insta ao Concello a
reservar algunha partida presupostaria para o
vindeiro ano coa que facer fronte a este problema e,
ao mesmo tempo, tratar de captar axudas económicas
procedentes doutras administracións coma a Xunta e a
Deputación provincial. Por último, Prieto conclúe
que, á par que busca financiación para acometer estas
obras, podería facer o mesmo para solventar a
carencia de aparellos de ximnasia ou mellorar os
espazos dos vestiarios.
Saúdos; prensa PSdeG-PSOE
Libro de Xosé Manuel Suárez: "Guerra Civil e represión en Ferrol e Comarca".
Resultado da investigación sobre a
II República e a represión en Ferrol e nos concellos
da súa comarca: Ares, Narón, Neda, Fene, Mugardos,
Cedeira, Ortigueira, Cariño, Pontedeume, As Pontes...
Xosé Manuel
Suaréz
Entrar na páxina Guerra Civil e
Represión en Galiza
Lista de fusilados
Xosé Manuel Suárez
Martínez. suarxm@hotmail.com
Autor:
Xosé Manuel Suárez Martínez.
Mestre. Doutor en Xeografía e Historia (UNED).
Domicilio: Rúa As Pontes, 9-31. CEDEIRA. 15350. A
Coruña.
Publicacións:
"O alzamento de 1936 no norte da Coruña", 1993, 1 0
ed., Ediciós do Castro.
"O referendo estatutario de 1936 na comarca de
Ferrol", Revista Galega do Ensino, n1 26, 2000.
"A investigación sobre a represión en Galicia na
Guerra Civil", A Trabe de Ouro, t. III,
2000.
*** Pódese mercar ou ben ler "online" ... http://www.leergratis.es/ferrol/guerrarepresionFerrol.htm
O PSOE urxe ó Concello a resolver os problemas de conexión a Internet na aula municipal de informática.
Os socialistas demandan ampliar os horarios destas instalacións e da biblioteca máis aló das nove horas semanais.
Cerdido, 18 de novembro de 2006.
O portavoz do PSdeG-PSOE de Cerdido, Cándido Prieto, instou ó equipo de goberno a buscar unha solución urxente ao deficiente servizo que ofrece a aula municipal de informática ubicada na Casa da Cultura de A Barqueira. Os socialistas explican que os usuarios apenas poden acceder a Internet polos constantes fallos que, segundo admite o Concello, se producen no router, así como pola lentitude coa que se establece a conexión. Asemade, denuncian que, a pesares de contar coa instalación do wifi, aínda non está operativo. Resultado: os veciños de Cerdido teñen serias dificultades para navegar pola Rede ata coa última tecnoloxía aplicada.
Os socialistas de Cerdido tamén insisten en solicitar do Concello a ampliación dos horarios e días de apertura destas instalacións e da biblioteca pública máis aló das nove horas semanais, repartidas entre os luns, mércores e venres. A proposta do PSdeG-PSOE pasaría por habilitar máis horas durante as xornadas laborais, pero tamén permitir o uso das infraestructuras os sábados polas mañás, a única posibilidade que teñen moitos veciños de Cerdido para disfrutar das mesmas ó traballar por semana.
As novas tecnoloxías no rural.
A pesares de que os socialistas plantexaron esta posibilidade en reiteradas ocasións obtendo a negativa do equipo de goberno por resposta, esperan que recapacite e acceda a propiciar esta ampliación de horarios e a corrixir as deficiencias da aula de informática. Ata ese momento, ao PSdeG-PSOE non lle queda máis remedio que lamentar que o esforzo inversor da Deputación por achegar as novas tecnoloxías ao rural caera en saco baldeiro en concellos coma Cerdido, onde non parece ser esta unha prioridade do actual goberno.
Saúdos; prensa PSdeG-PSOE Cerdido.